СВАБОДА ГОДНАСЦЬ СВЯДОМАСЦЬ
СУСТРАКАЙЦЕ ЯЎГЕНА
Яўген Ждановіч — палітолаг, грамадскі дзеяч, валанцёр, заснавальнік ByAction.org першай праваабарончай ініцыятывы, створанай дзеля дапамогі Беларусам у ЗША і абароны ахвяр палітычнага пераследу.
Нарадзіўся ў Менску ў 1989 годзе. Атрымаў вышэйшую адукацыю ў галіне паліталогіі і права, а таксама ступень магістра ў галіне інавацыйнага менеджменту ў Інстытуце Парламентарызму.
Прафесійную дзейнасць пачаў у прыватным сектары ў сферы медыцынскага бізнесу, пасля чаго працягнуў працу ў ІТ-кансалтынгу як кансультант-эксперт па ўкараненні рашэнняў Business Intelligence. З 2021 года жыве і працуе ў ЗША, у Нью-Ёрку.
СІСТЭМНАСЦЬ, ЭТЫКА І АДКАЗНАСЦЬ
Я вылучаю сваю кандыдатуру ў Каардынацыйную Раду, дзе разам з камандай аднадумцаў і паплечнікаў буду працаваць дзеля абароны правоў Беларусаў у Злучаных Штатах Амерыкі, дасягнення справядлівага стаўлення да суайчыннікаў і ўмацавання пачуцця бяспекі і веры ў будучыню.
Сваёй працай і дасягнутымі вынікамі мы ўжо пацвердзілі сістэмны, адказны і этычны падыход да абароны правоў беларусаў, а таксама гатоўнасць да паслядоўнай і самаадданай дзейнасці на карысць усіх беларусаў.
Дзеля дасягнення доўгатэрміновых вынікаў беларускаму дэмакратычнаму руху неабходныя моцныя інстытуты і сталая палітычная культура. Мы мусім задаць гэты стандарт ужо цяпер: браць на сябе адказнасць за ўласныя дзеянні, будаваць узаемадзеянне на грунце ўзаемнай павагі і паслядоўна спыняць любыя спробы маніпуляцыяў, ціску альбо захопу інстытутаў.
Я вылучаю сваю кандыдатуру, каб удасканаліць інстытуты і забяспечыць іх працу паводле празрыстых правілаў, рэальнай падсправаздачнасці і этычнага кодэкса. Абапіраючыся на прынцыпы прафесіяналізму і этычнага лідарства, мы будзем развіваць устойлівыя структуры, здольныя бараніць наш рух сёння і стануць надзейным падмуркам для пераходнага перыяду ў будучыні.
ІНСТЫТУТЫ СУПРАЦЬ ДЫКТАТУРЫ
У супрацьстаянні з дыктатурай устойлівасць і выніковасць дэмакратычных сіл залежаць ад моцных інстытутаў і выразных арганізацыйных правілаў. Дыктатуру немагчыма перамагчы хаосам.
Слабыя інстытуты робяць арганізацыі ўразлівымі для правакацый і знешняга ўплыву, што вядзе да ўнутраных канфліктаў і паралічу працы. Дэфіцыт празрыстых правілаў і адсутнасць культуры адказнасці адштурхоўваюць кваліфікаваных спецыялістаў. Без этычных стандартаў і адказнасці за дэструктыўныя дзеянні руйнуецца давер, а без яго немагчымыя ні кансалідацыя, ні эфектыўнасць.
У дыктатуры выжываюць праз пакорлівасць і страх. У дэмакратычнай мадэлі ключавым рэсурсам з’яўляюцца давер і рэпутацыя. Таму парушэнні этычных нормаў і маніпуляцыі павінны атрымліваць неперадузятую інстытуцыйную ацэнку, а страта даверу мець практычныя наступствы для прадстаўніцтва і ўплыву.
Мае прыярытэты ва ўмацаванні інстытутаў:
-
Празрыстасць рашэнняў: дакладная фіксацыя мандатаў, межаў адказнасці і парадку справаздачнасці.
-
Этычны стандарт: прыняцце Этычнага кодэкса і стварэнне празрыстай працэдуры разгляду яго парушэнняў.
-
Інстытуцыйная бяспека: абарона арганізацый ад інфільтрацыі і дыскрэдытацыі.
-
Кампетэнтнасць: павага да прафесіяналізму і павышэнне прэстыжу працы ў дэмакратычных інстытутах.
Дэмакратычныя ініцыятывы і арганізацыі мусяць умацаваць інстытуцыйныя рамкі, дзейнічаць паводле правілаў і падтрымліваць адзіныя этычныя стандарты. Толькі такія інстытуты здольныя абараніць людзей сёння і стаць падмуркам будучай дэмакратычнай Беларусі.
ДАЛУЧАЙСЯ ДА ВАЛАНЦЁРСТВА
Мы заклікаем вас далучыцца да валанцёрскай ініцыятывы ByAction.org і дапамагаць суайчыннікам у гэты складаны час. Мы шукаем людзей, якія гатовыя стаць поплеч з намі і прапанаваць свае рэальныя навыкі ды досвед.
Вам не давядзецца брацца за ўсё запар. Мы прапануем вам сфакусавацца на тым, што вы ўмееце рабіць найлепш. Ваша экспертыза можа стаць наўпроставай і адчувальнай дапамогай для тых, каму зараз найцяжэй.
Мы выдатна разумеем, як складана сумяшчаць уладкаванне жыцця ў эміграцыі і праваабарончую дзейнасць. Гэта патрабуе вялізных рэсурсаў. Але менавіта таму нам так важна збудаваць тут, у ЗША, надзейную структуру, якая сапраўды працуе. Кожная гадзіна, якую вы прысвячаеце агульнай справе, робіць усіх нас мацнейшымі і больш абароненымі.
Досыць спадзявацца на ўдачу, давайце абапірацца адно на аднаго. Запоўніце анкету валанцёра і пераўтварыце свае веды ў рэальную дапамогу нашай супольнасці.
ПАДТРЫМАЙ НА ВЫБАРАХ
Я перакананы: беларуская дыяспара ў ЗША сапраўды магутная сіла, але нашыя праблемы не мусяць заставацца па-за ўвагай. Нам неабходнае моцнае прадстаўніцтва ў Каардынацыйнай радзе, той голас, які будзе рашуча бараніць нашыя правы і адстойваць нашыя інтарэсы на ўсіх узроўнях.
За маімі плячыма і за плячыма маёй каманды стаяць не прыгожыя лозунгі, а рэальныя справы. Сваёй бесперапыннай, сістэмнай працай мы ўжо давялі, што здольныя самаахвярна працаваць дзеля кожнага беларуса ў Амерыцы. Мы ніколі не чакалі мандатаў ці пасадаў, каб пачаць дзейнічаць. Ужо сёння мы выбудоўваем дзейсныя праваабарончыя ініцыятывы і незалежныя структуры, якія штодня абараняюць нашу супольнасць і робяць яе мацнейшай.
Галасуйце за спіс №5!
Падтрымайце Яўгена Ждановіча, Марыю Ефімаву і «Аб’яднаную грамадзянскую платформу». Ваш голас мае значэнне!
Аддаўшы свой голас, вы падаяце выразны сігнал: беларусы ў Злучаных Штатах патрабуюць увагі, абароны і рэальных дзеянняў. Наш голас мае значэнне, і разам мы зробім так, каб ён гучаў магутна. Даверце свой выбар тым, хто пацвярджае сваю адказнасць рэальнымі ўчынкамі!
ЗРАБІЦЕ СВАЮ ПАДТРЫМКУ БАЧНАЙ
Набываючы гэтыя рэчы, вы не проста выказваеце падтрымку, а робіце наўпроставы ўнёсак у дапамогу тым, каму яна сапраўды патрэбна. Усе сродкі ад продажаў накіроўваюцца на падтрымку затрыманых беларусаў, каб забяспечыць іх неабходнай дапамогай і рэсурсамі.
Унісекс футболка
Неўзабаве
Сумка-тоўт
Неўзабаве
Кепка
Неўзабаве
Zhdanovichforcc.com
© 2026. Усе правы абаронены
Яўген Ждановіч — кандыдат у Каардынацыйную раду ад «Аб’яднанай грамадзянскай платформы»